【電競發展】議員感無奈:法例過時 越表態越禁制

資訊科技界立法會議員莫乃光接受《蘋果》訪問時指,早前收到不少電競公司反映牌照問題,Godzpeed早前亦有向他反映經營苦況。他直斥現行法例過時,相關部門不斷拖拖拉拉,向政府反映卻恐怕「落閘」封殺。

莫乃光指出,就曾問題向創科局反映,「傾過幾次,佢哋比我嘅答覆就係『睇緊』,最大問題係牌照唔係經創科局發出,係經民政事務總署(民政署),仲要現行嘅牌照都未必適合現時嘅電競場所,之後就不斷拖拖拉拉。」

莫乃光坦言,Uber、Airbnb等,在香港發展都遇上種種障礙,「好多嘢政府話要創新,其實都係得把口,政府都知道問題存在,但諗唔到辦法點樣解決。」他坦言,早前曾就Airbnb問題向民政署建議規管指引,但最終卻令民政署封殺Airbnb,令他害怕就電競場所問題向民政署施壓,署方會用同一手段處理。

「你就叫人哋去做電競,滿腔熱誠,聽咗政府嘅花言巧語……但最終結果就咁。」莫乃光炮轟政府不斷增撥資源到電競發展,根本未能解決實際需要:「叫你改政策、改法例就好慢,一係就越改越禁制,之後就講撥咗幾多億支持,公司最重要嘅根本唔係錢!」

資訊科技界立法會議員莫乃光指,「好多嘢政府話要創新,其實都係得把口。」

資訊科技界立法會議員莫乃光指,「好多嘢政府話要創新,其實都係得把口。」

他建議業界投資電競時要相當小心:「培訓又唔得、訓練場又唔俾、公廈又唔可以做、又唔可以開俾公眾,到時警察又走上嚟話係遊戲機鋪,牌又拎唔到,你叫人點做?」他直斥現時《公眾娛樂場所牌照》十分過時:「咩細佬入去大人唔俾入,驚教壞,講緊我十幾歲發生嘅事,依家仲有無人講依啲嘢?」

早前莫乃光亦就有關問題向政府查詢,得出回應與《蘋果》受到回覆相若,政府指是否須為配合政府推動有關新興科技及產業發展的政策而修改上述條例所訂定有關公眾安全和秩序的規定,創新及科技局會與民政事務局保持溝通,並適時作出跟進。

有不願公開姓名的業界人士指,亦有聽聞經營模擬賽車中心同樣受到民政處同樣對待:「好多都係照做,因為依家係牌照未分到類,唔係佢哋問題,都係等政府幾時有正式牌照可以申請。」九龍電競館創辦人鄺君賢就指,希望政府盡快有定案,令業界可安心發展事業。

原文:按此

Leave a Reply

Your email address will not be published. Required fields are marked *