香港電競 X 足球嘉年華 為世界盃熱身

news-images

世界盃呢個星期四揭幕,城中氣氛愈嚟愈熾熱,昨日喺荃新天地就舉行咗香港電競.足球王嘉年華「新城慈善足球王盃2018」,先為一眾球迷嚟個熱身。呢場賽事嘅戰況都好激烈,Ray都睇到好肉緊,相信會保留住呢份高漲嘅熱情,投入世界盃賽事。
場賽事點解咁激烈?皆因活動期間舉行重頭戲冠軍戰,各參賽隊伍為爭奪冠軍寶座,梗係唔會腳軟,戰況自然好緊張。爭標戰之外,又邀請咗香港五人足球代表隊參與表演賽,展示精湛球技,迎戰新城足球王隊,加上觀眾打氣聲鼎沸,喺現場嘅每一個人無可能唔受氣氛感染!講番今次活動的部分收益,將會捐予香港公益金。

繼充滿熱血的表演賽之後,緊接又到《屈臣氏蒸餾水足球電競盃》開幕禮及表演賽,邀請到車路士足球學校(香港)技術總監山度士、歌手梁釗峰、伍家謙、LOL世界冠軍TOYZ及LOL職業女子隊冠軍Deer參加,大家喺足球電玩「FIFA 18」裡面決勝負,同真正用腳踢一樣玩得咁投入。所以,除咗豆腐火腩飯之外,足球同電競,都係男人的浪漫。

news-images

 

原文:按此

 

Leave a Reply

Your email address will not be published. Required fields are marked *